Um fyrirtękiš

Um fyrirtękiš

Neyðarþjónustan ehf. var stofnuð árið 1988 af Jóni Hafsteini Haraldssyni og var lengst af staðsett við Laugaveg 168 í Reykjavík.

Neyðarþjónustan sinnir almennri  lásasmíði, lásaviðgerðum og hvers konar neyðaropnunum, hvort sem um er að ræða húsnæði, bíla eða hirslur.

 

Neyðarþjónustan rekur verkstæði og verslun þar sem seldar eru lásatengdar vörur; húslyklar, bíllyklar, sílinderar, rósettur, snerlar, skrár, læsingar, hurðapumpur, öryggisskápar, öryggiskerfi, hengilásar og aðgangsstýrikerfi. Forritun og smíði bíllykla er stór þáttur í starfseminni. Einnig uppsetning, ráðgjöf og viðgerðavinna.

Við starfrækjum neyðaraðstoð/útkallsþjónustu vegna hurðaopnana, bílaopnana og hirsluopnana. Hafið samband í síma: 800-6666.

Neyðarþjónustan sinnir einnig viðhaldi læsinga og hurðapumpa í fjölbýlishúsum. Til dæmis ef sílinder er brotinn, snýst í hringi eða erfitt er að opna, hurðapumpa lokar illa, hurðapumpa lekur osfrv.

 

Nýir eigendur tóku við fyrirtækinu þann 1.ágúst 2007. Haustið 2012 flutti Neyðarþjónustan svo í glæsilegt 300 fm húsnæði við Skútuvog 11 í Reykjavík, með stórbættri viðgerðaaðstöðu innandyra. Á sama tíma var kerfislykladeild Húsasmiðjunnar keypt svo lyklakerfin sem Neyðarþjónustan hefur umsjón með eru orðin rúmlega 6000 talsins, víðs vegar um landið. Fyrirtækið fagnar 30 ára starfsafmæli á næsta ári (2018) og hefur því mikla reynslu á sínu sviði.

 

Neyðarþjónustan vill vera í fremstu röð á sviði bílaopnana og bíllyklasmíði og sérhæfir sig í smíði og forritun fjarstýringalykla fyrir langflestar bíltegundir – jafnvel þó allir lyklar séu týndir.

Neyðarþjónustan leggur mikla áherslu á skjóta og góða þjónustu og vönduð vinnubrögð og vinnur eftir siðareglum ameríska lásasambandsins (ALOA).

Allar ábendingar um það sem betur má fara eru vel þegnar t.d. undir „Hafa samband“ flipanum hér á heimasíðunni. Ekki er síðra að fá gott að fá hrós þegar við stöndum okkur vel.

 

Hjá Neyðarþjónustunni starfa aðeins lásasmiðir með hreint sakavottorð sem fá bestu þjálfun sem í boði er hverju sinni. Lásasmiðir Neyðarþjónustunnar eru metnaðarfullir og leggja sig fram um afla sér þekkingar á sínu sviði og fylgjast með nýjungum, enda örar tækniframfarir á hverju ári.

Til þess að svo geti verið eru þeir duglegir að sækja námskeið í útlöndum og njóta góðs af frábæru tengslaneti Neyðarþjónustunnar við aðra lásasmiði og samtök um allan heim. Lásasmiðir okkar þurfa að hafa víðtæka þekkingu á nánast öllu sem snýr að lásum, enda markaðurinn hér á landi ekki nógu stór til að hægt sé að sérhæfa sig á þröngu sviði. Starfið verður hins vegar skemmtilera fyrir vikið og verkefnin fjölbreyttari.

 

Innan Neyðarþjónustunnar má finna eftirfarandi félagsskírteini og viðurkenningar á starfseminni:

ALOA – Associated Locksmiths of America

SAVTA – Safe & Vault Technicians Association

ELF – European Locksmith Federation

ALA - Autolocksmiths Association

D-vottun (gæðavottun) Samtaka Iðnaðarins

 

Neyðarþjónustan býr yfir einum stærsta lyklalager landsins. Það skiptir því engu máli hvort lykilinn er týndur eða aukalykla vantar, Neyðarþjónustan getur aðstoðað þig með allt sem því tengist og reynir eftir fremsta megni að bjóða þér þjónustu samdægurs til að leysa vandann.

Íslenskt samfélag er mjög kvikt og Neyðarþjónustan hefur gert miklar fjárfestingar í tölvum og öðrum búnaði til að vera í fremstu röð og geta veitt Íslendingum góða þjónustu, hratt og örugglega.

 

Þann 1. janúar 2015 sameinaðist systurfélagið Gler & Lásar ehf. Neyðarþjónustunni og er nú rekið sem sérdeild innan hennar. Glerdeild Neyðarþjónustunnar sér um glerísetningar og tjónaviðgerðir (gluggar, hurðir) allan sólarhringinn. Veitir neyðaraðstoð ef upp upp kemur óvænt tjón eða innbrot. Í glerdeild eru starfsmenn með áratuga reynslu í viðgerðum, glerísetningum og áli.

Sömu eigendur eru að Neyðaropnunum – Neyðarlokunum, kt. 661107-1380, sem sjá um að opna bíla og húsnæði allan sólarhringinn ásamt tilfallandi viðgerðum og neyðarlokunum eftir tjón. Einnig er innan þessarar samsteypu fyrirtækið Lásasmiðurinn ehf. kt. 701107-0630, sem sér um lásaopnanir af ýmsu tagi.