Húsfélög

Lyklakerfi

Það er lykilatriði að fyrirtæki, einstaklingar og stofnanir hafi gott lyklakerfi í húsnæði sínu. Það er oft nauðsynlegt að umsjónarmaður húsnæðis viti nákvæmlega hver er með hvaða lykil og viti fyrir víst að lykilhafi getir ekki látið gera afrit af sínum lykli. Hægt er að framleiða hvert lyklakerfi eftir þörfum viðskiptavinar hverju sinni.

 

Lítið dæmi um aðgengi gæti verið t.d. A, B, C og D lyklar:

"A" masterlykill, passar að öllum

"B" er að útihurð og söludeild

"C" er að útihurð, lager og hengilásum á plani

"D" er fyrir ræstingu, útihurð, söludeild og kaffistofu

Þetta er einungis smá brot af þeim möguleikum sem við getum útfært. Við getum smíðað sama lykilinn fyrir mismunandi sílendera, ávala, euro og t.d. hengilása. Allt eftir þörfum hvers og eins.

 

Það er einnig hægt að framleiða lyklakerfi fyrir fjölbýlishús sem eru "opin" og eru lyklar þá framleiddir gegn framvísun lykils og ekki er þörf á sérstakri beiðni. Algengast er að hver íbúi komist inn í sína íbúð + sameignahurðir, ekkert annað.

Árið 2012 keypti Neyðarþjónustan kerfislykladeild Húsasmiðjunnar og þjónustar nú um 6000 kerfi víðs vegar um landið.

Hér að neðan gefst stjórnarmönnum innan húsfélaga færi á að kynna sér hvað er í boði. Þetta er sérstaklega sniðið að húsfélögum og íbúum fjölbýlishúsa. Ekki hika við að senda fyrirspurn hér á síðunni eða á kerfi@las.is.

 

YSTU DYR

 

  1. Er láshúsið í lagi?

Við komum á staðinn og förum yfir lásbúnað hússins og lögum það sem þarf að laga. Algengt er að láshús séu slitin og jafnvel búið að fjarlægja öryggisbúnað úr þeim öryggisbúnað. Á eldri hurðum er einnig algengt að bilið milli stafs og hurðar sé of mikið, en þar er hægt að setja hlífðarplötu yfir.

 

  1. Skellist hurðin óþarflega fast, eða alls ekki?

Við stillum hurðarpumpurnar eða skiptum þeim út ef þurfa þykir.

 

  1. Eru sílinderar slitnir eða óþarflega margir lyklar í umferð?

Við skiptum um sílindera ef þeir eru orðnir slitnir. Í þeim tilfellum er bæði hægt að fá sílendera fyrir sama lykil og fyrir er í húsfélaginu, eða að skipta um allan hringinn fyrir einn lykil.

 

  1. Passar raflás í dyrasíma við láshúsið í hurðinni?

Mjög algengt er að láshús og raflásbúnaður í hurðum sem nota dyrasíma passi ekki saman. Þá hefur öryggispinni oft verið fjarlægður og hurðin því ávallt opin.

 

  1. Stendur sílinder meira en 2mm út úr sílinderhringnum?

Ef sílinder stendur meira en 2mm út úr sílinderhringnum er lítið mál að komast inn án nokkurs hávaða. Oft er hægt að skipta um hring, en í öðrum tilfellum gæti þurft að setja styttri sílinder í hurðina.

 

GÓÐAR LAUSNIR

 

  1. Er sameignin eða íbúð og geymsla með ósamstæða sílindera?

Við getum smíðað höfuðlyklakerfi bæði í allt húsið eða aðeins þann hluta sem snýr að sameign. Höfuðlyklakerfi er hægt að sníða algjörlega að þörfum viðskiptavinar hverju sinni. Að auki er höfuðlyklakerfi vörn gegn því að hver sem er geti látið fjölfalda lykla að húsnæðinu. Annar kostur er að geta notað aðeins einn lykil fyrir allar hurðir í húsinu, sem hver og einn á að hafa aðgang að, þar með talið íbúðinni.

 

  1. Er mikið um að lyklar að sameign týnist eða þeim stolið?

Við bjóðum upp á fjarstýringar fyrir þær hurðir sem hafa dyrasíma (við getum líka sett raflás í hurðir). Kosturinn er sá að þá hægt er að hlaupa inn í vondu veðri í stað þess að standa úti og finna finna lykilinn. Ef að fjarstýringu er stolið eða hún týnist er henni bara eytt úr kerfinu og ný sett inn, engin þörf á að skipta um sílinder ásamt öllum lyklum.

 

  1. Viltu losna alveg við að þurfa að nota lykil?

Við bjóðum einnig upp á talnalás fyrir sama tilgang og fjarstýringar kerfið. Takkaborðið þolir öll veður og er aðeins ódýrari kostur en fjarstýringarnar. Einnig hægt að fara út í lyklalausan aðgang með aðgangsstýrikerfum frá Neyðarþjónustunni.