Bíllyklar

Viđ smíđum bíllykla

Það getur verið býsna kostnaðarsamt að týna síðasta eða eina bíllyklinum. Við hjá Neyðarþjónustunni erum þó vel í stakk búin til að gera nýja lykla í langflestar gerðir bíla. Nánast allir bílar frá árinu 1995 eru búnir ræsivörn sem virkar þannig að í lykilhausnum er lítil örflaga sem forrita þarf við tölvu bílsins til þess að hann fari í gang. Þetta hefur ekkert með fjarlæsingar að gera. Neyðarþjónustan getur einnig aðstoðað ef lyklaljós blikkar í mælaborðinu.

Misjafnt er eftir tegundum hvað gera þarf til þess að koma bílnum í gang en yfirleitt dugar að tengja hann við tölvu til þess að para saman nýja lykilinn og bílinn. Í sumum tilfellum þarf hinsvegar að taka tölvuna úr bílnum og handmata hana á upplýsingum úr lyklinum, eða úr tölvu í lykil, í þeim tilfellum er verkið eitthvað kostnaðarsamara. Í flestum tilfellum komum við á staðinn og klárum dæmið. Ferlið hefst þó alltaf á því að þú hringir í síma: 510-8888 / verslun. Þegar við höfum fengið þær upplýsingar sem við þurfum getum við betur svarað því hvað verkið kostar.

Algengt verð ef allir lyklar eru týndir (miðast við að bíll sé á höfuðborgarsvæðinu):

Verð miðast við að komið er á staðinn (á höfuðborgarsvæðinu) þegar síðasti lykillinn hefur týnst, eða skemmst, í sumum tilfellum þarf að taka tölvur úr bílum til að forrita lykil (BMW, Fiat, Toyota...), í þeim tilfellum höfum við þurft að fá bílana til okkar á dráttarbíl, nú erum við með fullbúinn bíl til að sinna þessum verkum og því færri tilfelli þar sem þess þarf, það er þó aukagjald fyrir þessa vinnu og því getur fyrsti lykillinn hæglega kostað tæplega 50þús, án fjarstýringar.

Venjulegur lykill smíðaður og forritaður, algengt verð er frá 34.700

Fjarstýringalykill smíðaður og forritaður, algengt verð er frá 47.150

Algengt verð fyrir aukalykil, komið á bílnum að verslun okkar í Skútuvoginum:

Venjulegur lykill er frá 9.900 til 16.000 misjafnt eftir tegundum

Fjarstýringarlykill er frá 24.850, misjafnt eftir tegundum

 


 

 


Nánar

Lykilskeljar

Neyðarþjónustan býður upp á mikið úrval lykilskelja. Mjög algengt er að lyklar brotni og þá er oft hægt að skipta um lykilskel, en það er ódýr tímabundin lausn. Í sumum tilfellum er það ekki hægt, t.d. ef örflagan er brotin og þá verður að kaupa nýjan lykil.

Neyðarþjónustan mælir þó eindregið með að fólk kaupi nýja lykla sem varanlega lausn frekar en lykilskeljar. Þá  mælum gegn því að hafa marga lykla á sömu kippu og bíllykilinn. Lítið við í verslun okkar Skútuvogi 11 eða hringið í síma 510-8888 (ýta á 2) ef þið viljið fá frekari upplýsingar.

Bílar algeng vandamál

 

Týndir lyklar eða bara einn til

Við getum smíðað og forritað lykla í flestar gerðir bíla, hvort sem lykill er til eða ekki. Það getur verið mjög dýrt að týna síðasta lyklinum. Oft er hægt að gera við gamlar fjarstýringar/bíllykla og yfirleitt er alltaf hægt að búa til nýjan lykil. Neyðarþjónustan getur einnig komið á staðinn svo ekki þurfi að láta draga bílinn.

 

Bilaður sílinder

Algengt er að sílinderar festist á bílum með fjarstýrðri opnun. Þetta getur orðið afar hvimleitt og í versta falli hættulegt. Hægt er að skilja bílinn eftir hjá okkur að morgni og ná í hann sama dag með sílinderana í lagi.

 

Bilaður sviss

Oft sjáum við bíllykla á lyklakippu með mörgum öðrum lyklum, en það hefur mjög slæm áhrif á svissinn. Kippan sveiflast til og frá, slítur svissinn og skemmir lykilinn að auki. Ef svissinn hagar sér öðruvísi en eðlilegt gæti talist þá margborgar sig að kíkja með bílinn til okkar – áður en svissinn festist alveg.

 

Læstur bíll

Algengt er að bílar læsi sér "sjálfir" á veturna – við opnum alla virka daga frá kl. 08-20 og helgar kl. 08-18.





 

Ađ velja okkur

Neyðarþjónustan býr yfir víðtækri þekkingu á bíllyklum, læsingum og kveikjulásum. Sum bílaumboð þurfa að panta lykla að utan sem getur tekið lengri tíma - allt upp í tvær vikur.

 

Kostir þess að velja okkur:

 

  • Leysum verkið yfirleitt samdægurs
  • Getum náð í ræsivarnanúmer (PIN kóða) úr flestum bílum
  • Getum í flestum tilfellum komið til þín með tölvubúnað til að forrita lykil í bílinn
  • Eigum mikið úrval bíllykla (aftermarket og original) og fjarstýringa á lager
  • Týndum lyklum bjargað samdægurs í flestum tilvikum
  • Reynum að bjóða hagstæðasta verðið
  • Hvort sem þig vantar smartlykla, proximity lykla, lyklaspjöld, flip lykla, vélræna lykla, eða lykla með örflögum, er um að gera að hafa samband

 

Neyðarþjónustan kappkostar að vera með nýjustu vélarnar á markaðnum. Við erum staðsett í Skútuvogi 11 og síminn í verslun er 510-8888 (ýta á 2).

Tegundir bíla sem viđ vinnum međ

http://www.download-hd-wallpapers.com/brands-and-logos/car-brand-logos-and-names-2/
http://www.download-hd-wallpapers.com/brands-and-logos/car-brand-logos-and-names-2/

Við vinnum með fjölmargar bílategundir og innan hverrar tegundar geta verið mismunandi útfærslur. Einnig öll mótorhjól og allar vinnuvélar. Sem dæmi má nefna:

 

  • Alfa Romeo
  • Audi
  • BMW
  • Buick
  • Citroen

Nánar