Fréttir

Fataviðgerðir

Neyðarþjónustan hefur um nokkurt skeið aðstoðað saumastofu með lyklahringi endurgjaldslaust. Vandi saumastofunnar er sá að rennilásarnir brotna af og því vantar eitthvað til að krækja í rennilásinn á nýjan leik svo hægt sé að renna. Gaman að hjálpa til í öðrum atvinnugreinum en lásum, bílatengdu eða öryggisvörum.

Júlí: met í týndum lyklum

Júlí er oft rólegur mánuður en svo er ekki í ár, óvanalega margir hafa týnt bíllyklunum sínum þetta árið eða vantar aukalykil áður en lagt er af stað í fríið. Einnig hefur færst í aukana að fólk kaupi sér aukalykil áður en síðasti lykillinn týnist - sem okkur hjá Neyðarþjónustunni finnst frábært, enda óþreytt að prédika það undanfarin ár. Það getur verið óþarflega kostnaðarsamt þegar allir lyklar eru týndir. Við erum þakklát ykkur kæru viðskiptavinir, án ykkar værum við ekki hér 27 árum síðar. Vonandi getum við gert enn betur í framtíðinni. Ekki hika við að láta vini og vandamen vita af okkur líka: 510-8888 fyrir verslun eða 800-6666 fyrir lásaopnun.

Notaðir bílar - gott ráð

Þegar kaupa á notaðan bíl er snjallt að spyrja alltaf hversu margir lyklar fylgja með í kaupunum. Ef bara 1 stk, látið Neyðarþjónustuna þá gefa ykkur verð í aukalykil áður en þið gangið frá kaupunum. Sérstaklega mikilvægt ef enginn lykill er að bílnum. Leiðinlegt að þurfa leggja út í aukakostnað með nýjan notaðan bíl, sér í lagi ef bíllinn hefur t.d. verið mjög ódýr.

Samstarf við REMAX

Um nokkurt skeið hafa REMAX nágrannar okkar í Skútuvoginum og Neyðarþjónustan verið í samstarfi og boðið þeim sem skrifað hafa undir kaupsamning hjá REMAX og kaupa sér sílindra í húsnæðið hjá Neyðarþjónustunni að fá endurgjaldslausa uppsetningu með í kaupunum. Þá sendir Neyðarþjónustan mann og setur sílindra upp ykkur að kostnaðarlausu. Einnig afslátt af öryggisskápum og nafnaskiltum fyrir nýju húseigendurna.

Það eins sem þarf að gera er að mæta í verslun okkar með blaðið stimplað frá REMAX og fá ráðgjöf hvaða sílinder er best að kaupa sem uppfyllir ykkar þarfir um öryggi. Hlökkum til að sjá ykkur.

Lásaopnanir breytingar

Frá og með 1.júní 2015 verður breyttur opnunartími á lásaopnunum sem hér segir:

Alla virka daga frá kl. 08 - 20
Laugardaga og sunnudaga frá kl. 08-18 

Glerdeild Neyðarþjónustunnar mun áfram sinna viðgerðum vegna gler- og innbrotstjóna (www.gler.neyd.is) allan sólarhringinn.

Lásaráðstefna

1 af 3

Neyðarþjónustan er nýkomin heim frá Írlandi af lásaráðstefnu á vegum evrópska lásasmíðasambandsins (ELF http://elf2015.com/) - þar sátum við ýmis námskeið og stóra sýningu á laugardeginum. Á ráðstefnunni talaði Tzachi Wiesenfeld forseti ASSA ABLOY ásamt fleirum. Gaman að fylgjast með því sem er að gerast í geiranum.

ALOA meðlimur

Rekstrarstjórinn okkar, Óðinn, er nú orðinn meðlimur ALOA sem er samtök lásasmiða í Norður-Ameríku og ein stærstu samtök sinnar tegundar í heiminum.

Við erum stanslaust að bæta við okkur þekkingu, tengiliðum og aðgengi að upplýsingum og námskeiðum. Neyðarþjónustan hefur verið meðlimur að ALOA síðan 1996.

Styrkur til Krabbameinsfélagsins

Neyðarþjónustan styrkir unga konu sem missti mann sinn eftir stutta en hetjulega baráttu við krabbamein til að hlaupa í Reykjavíkurmaraþoninu n.k. ágúst. Hún hleypur fyrir mann sinn og tvær ungar dætur en dregur framkvæmdastjóra Neyðarþjónustunnar með sér. Nú þurfa þær bara að byrja að æfa sig. Hér er hægt að heita á Söru: http://www.hlaupastyrkur.is/einstaklingar/keppandi?cid=33479

Ný heimasíða

1 af 2

Ný heimasíða fyrir sameinað félag Neyðarþjónustunnar og Glers & Lása mun líta dagsins ljós alveg á næstu dögum. Félögin sameinuðust áramótin 2014/2015. Slóð hennar er www.neyd.is svo gömlu síðurnar www.lyklar.is og www.las.is munu benda inn á þá nýju. Við munum fagna nýju síðunni með pompi og prakt í versluninni - enda er sérstaklega ánægjulegt að fá að vinna með svona hæfileikaríku fólki eins og í Snerpu á Ísafirði, sem hönnuðu síðuna með okkur, værum ekkert án þeirra. Sturla Stígsson er svakalega hæfur á sínu sviði og leysti öll mál sem komu upp.

Við viljum líka endilega fá að vita ef eitthvað mætti betur fara hér á heimasíðunni undir "Hafa samband" flipanum. Einnig hrós, kvartanir eða ábendingar. Vonandi verður nýja síðan ykkur gagnleg.

Nafnaskilti mikið úrval

Mikið úrval nafnaskilta hjá Neyðarþjónustunni, gullfalleg og jafnvel næstum því úr gulli, áprentun innifalin (annars finnur pósturinn ykkur ekki). Einnig nafnaskilti fyrir dýrin. Hægt er að skoða sýnishorn af skiltunum í verslun okkar og leggja inn pöntun. Skiltin eru síðan send heim með pósti til viðkomandi.

  •   NÞ verslun og verkstæði
  •   Skemmuvegur 4, blá gata
      200 Kópavogur
  •   510-8888
  •   661107-1110
  •   vsk nr.96883
  •   [email protected]

Opnunartímar

Virkir dagar: 08:00 - 17:00

Laugardagar: Lokað

Sunnudagar: Lokað

Útkallsþjónusta lásasmiðs alla virka daga: 08-17 

Gallerý